وداع و وصل

سمجھنے کیوں لگا اس شب کو میں شب یلدا

امید مہر نے رکھا ہے دل کو محو نشاط

شراب خانہ ہے مرے تصورات کی بزم

ادائے خاص سے ساغر کش تخیل ہوں

چھڑا کے ہاتھ سے دامن جھٹک رہا ہے کوئی

بلائیں لیجئے اے دست آرزو تیری

چلے ہیں آج جو وہ کل ضرور آئیں گے

کشش محبت صادق کا ان کو کھینچیں گی

وہ جائیں شوق سے اک بار آئیں گے سو بار

خطا معاف مخاطب نہ کر لوں کیوں تجھ کو

بھلا سکوں گا نہ دل سے یہ محبت رنگین

وہ تیرے طرز تغافل میں التفات کا رنگ

یہ تیرا جانا ہے تمہید تیرے آنے کی

ہوا کروں گا تیرے وصل سے بھی میں خوشکام