وطن اپنا
اخترؔ آصفی پشاوری
گلستانِ ارم سے تھا کبھی بڑھ کر وطن اپنا
مگر اب ہوگیا ہے سربسر گُلخن چمن اپنا
بہارِ فکر کی تاثیر نظارے کے قابل ہے
کہ توصیف وطن میں گل بدامن ہے وطن اپنا
وطن کا درد ہے اک مشترک سرمایہ قومی
بجا ہے گر اسے کہتے ہیں شیخ و برہمن اپنا
حقیقت دوستی ہے جزوِ اعظم میری فطرتکی
دل منصور ہے وارفتۂ دار و رسن اپنا
جہاں کا ذرہ ذرہ سبز بیگانہ ہے اخترؔ
سنائے کوئی کس کو قِصہ رنج و محن اپنا