غزل 46
اخترؔ آصفی پشاوری
غم دوست ہے سلامت تو خوشی کی کیا کمی ہے
یہ نشاطِ غیر فانی یہ سرورِ سرمدی ہے
ترے نقش پا پہ سجدہ جو کیا کہا زمیں نے
یہی اصل بندگی ہے یہی عین بندگی ہے
یہ دوام کون ہے مری زندگی کا یا رب
مری آنکھ ہی ہے آنسو مرے ہونٹ پر ہنسی ہے
تری زلف کے تصدق شب غم سے کیوں ڈروں میں
کہ تری بیاض رخ سے مرے دل میں روشنی ہے
مجھے پوچھتے تو ہیں وہ مرا درد تو ہے اُند
یہی شان صاحبی ہے یہی بندہ پروری ہے
مرا ذوق والہانہ مرا شوق جان نثاری
مرے گھر میں ہے سبھی کچھ فقط آپ کی کمی ہے
وہ ہیں جانِ رستانہ میں نشانِ رستانہ
یہ عروجِ خواجگی ہے یہ کمالِ بندگی ہے
یہ بہار غنچہ و گل یہ وجودِ ساغر و مل
جو پلائے خود ہی ساقی تو بہار میکشی ہے
ہمیں ره رو تمنا ہمیں رہنما بھی اخترؔ
نہیں پیروی گوارا کہ غرور آگہی ہے
بمقام:پشاور