دوستی
اخترؔ آصفی پشاوری
کیا ہی غم افزا ہے ترتیب کتاب دوستی
مشتمل ہے رنج پر القصبہ باب دوستی
ہم تو ہیں ناآشنائے بوئے گلہائے مراد
اے خُشادہ دل کہ جو ہے کامیاب دوستی
درد فرقت رنج ناکامی ملال سبھی
اک دل بیکس پہ ہیں کیا کیا عذاب دوستی
عشق کے آئین میں داخل ہے جذبے کا لحاظ
چاک ہرگز نہونہ اے دل یہ حجاب دوستی
کیوں متاع ضبط کھو کر حلق میں رسوا ہوا
اے دل بے صبر اے خانہ خراب دوستی
قطرۂ اشک چیکدہ شرح جوشِ غم ہوا
مُظمراس نقطے میں ہے رازِ کتاب دوستی
جسکو دیکھو عشق کے انجام کا ہے شکوہ مند
کون اٹھاتا ہے یہاں لطفِ شبابِ دوستی
داغہائے عاشقی سے دل مرا معمور ہے
جلوہ فرما ہیں ہزاروں آفتاب دوستی
کیا کرے کوئی تمہاری دوستی کا حوصلہ
دشمنی سے تم تو دیتے ہو جواب دوستی
شکوہ بے مہرئے محبوب اخترؔ ہے گناہ
شرط الفت ہے کہ ہو دل میں حساب دوستی
شائع شدہ:اخبار شیر رنگون