غزل 53
اخترؔ آصفی پشاوری
دِل محفل عشرت میں بھی مسرور نہیں ہے
پہلو میں جو وہ ساقئی مخمور نہیں ہے
اس کا وہ نشہ ہے کہ اُترتا نہیں سر سے
صہبائی محبت مئے انگور نہیں ہے
ناکامئی الفت کا اثر مجھ پہ ہو کیونکر
میں دور ہوں اُس سے وہ مگر دُور نہیں ہے
میخانه دل باده الفت سے ہو لبریز
ساقی کی عنایت سے یہ کچھ دور نہیں ہے
کیا خونِ تمنا کا کروں حشر میں دعویٰ
توہین مجھے آپ کی منظور نہیں ہے
جلوہ ترا ہر شے میں نظر آتا ہے مجھ کو
وہ کون سا ذرہ ہے جو اک طور نہیں ہے
ہے وصل کی خواہش په عبث حیلہ بہانہ
کیوں صاف نہ کہہ دوں ہمیں منظور نہیں ہے
اک آه تو کھینچ اے دِل ناداں سرِ محفل
نزدیک وہ آ جائیں تو کچھ دور نہیں ہے
برائے:مشاعرہ امیر سخن مٹیا برج کلکتہ (۴ دسمبر ۱۹۳۲)
نوٹ:مصرعہ طرح ایسے بھی ابھی زخم ہے ناسور نہیں ہے