بات کرو
اخترؔ آصفی پشاوری
دیارِ غیر نہ چین رختن کی بات کرو
جو بات کرنی ہے اپنے وطن کی بات کرو
گلگوں کا ذکر نہ سرودِ سخن کی بات کرو
بہار جس سے ہے تم اس سجن کی بات کرو
نظر فروز سہی موج اب رکنا باد
فضائے وادی گنگ و جمن کی بات کرو
یہ میکدہ ہے یہاں فکر عاقبت ہے حرام
شراب و شاهد و شعر و سخن کی بات کرو
براهِ راست بنا لو خدا کو اپنا صنم
نہ شیخ کی نہ کسی برہمن کی بات کرو
کشیدہ کچھ نظر آتا ہے وہ کمان آبرو
وہ چاہتا ہے میرے بانکپن کی بات کرو
کہو ان آنکھوں کو نرگس زبان کو سوسن
چمن کی بولی میں اس گل بدن کی بات کرو
سبو کلی کو قدح گل کو شاخ کو مینا
بہ استعاره مستاں چمن کی بات کرو
غزل سرا ہو جہاں اخترؔ شگفتہ مزاج
ہمارے سامنے اس انجمن کی بات کرو
بمقام و تاریخ:ڈھاکہ•۱ اکتوبر ۱۹۶۰