غزل 37
اخترؔ آصفی پشاوری
اگر ذوق تپش ہے آتش غم تیز کرتا جاتا
مئے حبِ وطن سے جام دل لبریز کرتا جاتا
پلا کر خون دل سر سبز رکھ کشتِ تمنا کو
نہال ملک کی ہر شاخ کو گلریز کرتا جاتا
فسانہ چھیڑ کر صبح وطن کا دشتِ غربت میں
شبِ دیجورِ غم کو روزِ عشرت خیز کرتا جاتا
نہ گھبرا دیکھ کر پست و بلند منزل الفت
اگر عزم سفر پختہ ہے جست و خیز کرتا جاتا
چلا دے دل کے آئینے کو ضبط شعلۂ غم سے
تمناؤں کے دریا کو طلاطم خیز کرتا جاتا
جفا ہے حسن کا شیوہ جفا سہنے کا خوگر بن
وفا کر اور وفا کو اشتیاق امیز کرتا جاتا
ہے ہونا کامیاب اخترؔ تو جدوجہد جاری رکھ
امیدوں کے سمندِ شوق کو مہمیز کرتا جاتا