ذوقِ تپش
Akhtar Asifi Peshawari
اگر ذوقِ تپش ہے آتش غم تیز کرتا جا
مئے حب وطن سے جامِ دل لبریز کرتا جا
پلا کر خون دل سے سرسبز رکھ کشتِ تمنّا کو
نہال ملک کی ہر شاخ کو گلریز کرتا جا
فسانہ چھیڑ کر دن۔۔۔میں
شبِ دیجور غم کو روز عشرت خیز کرتا جا
نہ گھبرا دیکھکر پست و بند منزل الفت
اگر عزمِ سفر پختہ ہے جست و خیز کرتا جا
جلا دے دل کے آئینے کو ضبطِ شعلہ غم سے
تمناؤں کے دریا کو تلاطم خیز کرتا جا
جفا ہے حسن کا شیوا جفا سہنے کا خوگر بن
وفا کر اور وفا کو اشتیاق آمیز کرتا جا
ہے ہونا کامیاب اخترؔ تو جدوجہد جاری رکھ
امیدوں سے سمندِ شوق کو مہمیز کرتا جا
Published:رسالہ راج رنگ لائلپور (May 1, 1933)
The text of this poem was not fully legible from the original source and may be incomplete.