شعر و شاعر

آرام سے دنیا سوتی ہے جب محو راحت ہوتی ہے

جب پریم کا مارا بیکل ہو کر چپکے چپکے روتا ہے

جب یہ دونو مذہب کے پجاری میٹھی نیندیں سوتے ہیں

اور فرط مسرت سے جدم گلشن میں کلیاں کھلتی ہیں

آدم کا یہ بیٹا دنیا میں گلزار ارم سے آتا ہے

اک جانے بوجھے رشتے میں دو دل کو پرویا جاتا ہے

دل میں مسرور بھی ہوتی ہے آنسو بھی بہاتی ہوتی ہے

جب دل دو شیزہ فطرت کا ہوتا ہے مائل مستی پر

تاریکی چھنٹتی ہوتی ہے پو صبح کی پھٹتی ہوتی ہے

پابند وفا اس دنیا سے منہ موڑنے والا ہوتا ہے

لکھا ہوا خون کی سرخی سے الفت کا فسانہ دیکھتا ہے

کمسن سی کوئی بیوہ وقف بیداد نظر جب آتی ہے

اور اپنی سنہری حکمت سے محنت کی تباہی کرتا ہے

اللہ کی بھولی خلقت کو پیروں سے مسلتی ہوتی ہے