شاخِ بریده
Akhtar Asifi Peshawari
بربادِ اضطراب ہوں حرماں رسیدہ ہوں
بیتابی فراق کا زحمت کشیدہ ہوں
تنگِ جہانِ انگ ہون نگہت پریدہ ہوں
پرمژدہ ہوں اگر چہ گل تو رمیدہ ہوں
جب سے ترا جمال ہوا ہے نظر فروز
ہوش و حواس و عقل و خرد سے رمیدہ ہوں
بے کیف ہے شراب مسرت مرے لئے
تلخ آب حیات کا لذت چشیدہ ہوں
وہ دورِ انبساط وصالِ صنم کہاں
اک عمر سے فراق کا زحمت کشیدہ ہوں
ہر داغ کہہ رہا ہے دل داغدار کا
میں گلستانِ غم کا گل نودمیدہ ہوں
مخصوص جس کے واسطے بیداد برق تھی
میں نخلِ آرزو کی وہ شاخِ بریدہ ہوں
قیمت سے میری دیدۂ عبرت کو ہے موقوف
گو بے بساط قطره اشک چکیدہ ہوں