غزل 52
Akhtar Asifi Peshawari
رموزِ سرفروشی خوب اہل دِل سمجھتے ہیں
مجھے بسمل سمجھتے ہیں تجھے قاتل سمجھتے ہیں
جو لمحاتِ بقا کو وقفہ باطل سمجھتے ہیں
محبت کو وہ اپنی زیست کا حاصل سمجھتے ہیں
سفینہ غرق ہوتا ہے جہاں بحرِ محبت میں
اسی کو اہل دِل مقصود کا ساحل سمجھتے ہیں
وہی میکش ہے ہستی جس کی ہے منت کشِ مستی
ہمیں وہ ہیں کہ تجھ کو ساقی محفل سمجھتے ہیں
کیا مجنوں ہمیں اک رشکِ لیلی کی محبت نے
غبارِ کارواں کو جلوه محمل سمجھتے ہیں
ہجوم نامرادی یاس افرا ہو نہیں سکتی
ہم اُس کی یاد کو اُمید کا حامل سمجھتے ہیں
فریب شوق ہے یہ یا فریب اپنے تخیل کا
ہر اِک نقش قدم کو اپنی ہم منزل سمجھتے ہیں
دِل تاریک کو اِک نور کا نقطہ بنا ڈالا
جگر کے داغ کو ہم تومبہ کامل سمجھتے ہیں
صلہ کیا کم یہ اخترؔ ہے تمہاری جانثاری کا
کہ اب وہ تم کو اپنا عاشق کامل سمجھتے ہیں