غزل 10
Akhtar Asifi Peshawari
پھر رہے ہیں اہلِ دِل ناکام تیرے شہر میں
نام تیرا ہوتا ہے بدنام تیرے شہر میں
صبح اپنے شہر میں کی شام تیرے شہر میں
کھینچ لائی گردشِ ایام تیرے شہر میں
آٹھ آٹھ آنسو بہاتے پھرتے ہیں اہلِ خرد
کم نظر جو ہیں وہ ہیں خوش کام تیرے شہر میں
رند صہبائی ہو حافظ یا کہ ہو اقبال عصر
پیتے ہیں تلخ ابابہ بھر کر جام تیرے شہر میں
تجھ سے ڈرتی ہے خدائی اے بُتِ پیغارہ حو
کون لیتا ہے خدا کا نام تیرے شہر میں
آرزو دِل کی یہی ہے کوئی پرساں ہو نہ ہو
صبح تیرے شہر میں ہو شام تیرے شہر میں
قابل رشک انکا رہنا جس پر ہو تیری نظر
ہم تو آئے ہیں برائے نام تیرے شہر میں
ترے ہوتے ہی زپا افتاده تقوی رواج
پارسا ہے رِند مئے شام تیرے شہر میں
تیری آنکھوں کا قصیدہ رکھتا ہے وردِ زباں
بن کے اخترؔ غالب و خیام تیرے شہر میں