غزل 50
Akhtar Asifi Peshawari
نظر جس بادہ کش پر ساقی مخمور کرتا ہے
اسے بے منتِ صہبا نشے میں چُور کرتا ہے
برا کیا بادہ کش اے زاہد معمور کرتا ہے
جو الفت دختر رز سے بجائے حور کرتا ہے
میں وہ میکش ہوں اے زاہد جو کوثر کے تصور میں
کمال احترام باده انگور کرتا ہے
یہ کہہ دو چاند سے چھپ جائے وہ ابر خجالت میں
عیاں چلمن سے اپنا وہ رُخ پرنور کرتا ہے
بظاہر دشمنی زاہد نہ کرتا ہے پرستوں سے
محبت دخت رز اسطرح مستور کرتا ہے
مدد اے ضبطِ الفت پر کوئی مشقِ تغافل سے
فغال پر، آه پر، فریاد پر، مجبور کرتا ہے
عداوت ہے ازل کی آسماں کو درد مندوں سے
یہ ظالم کب کسی غمدیدہ کو مسرور کرتا ہے
کبھی یہ بندہ مجبور کو آقا بناتا ہے
کبھی آقا کو ظالم بندہ مجبور کرتا ہے
دیا کرتا ہے اک کامل کو میدان ترقی بھی
ہمیشہ ناقص و نااہل کو منصور کرتا ہے