خاکِ پشاور
Akhtar Asifi Peshawari
عنصر خاکی کو تعمیر عناصر کا سلام
نفسیات شوق کے دیرینہ ماہر کا سلام
دل کشی پرور وہ حسن مناظر کا سلام
خاک پشاور ترے ذرنکو شاعر کا سلام
قلب سوزاں روح مضطر جانِ لاغر کا سلام
تیری مٹی سے بنا اور تیرے بر زن میں پلا
تیرے محلوں میں براجا تیرے آنگن میں پلا
ڈالیوں میں تیری جھولا تیرے گلشن میں پلا
جو تری گلیوں میں کھیلا تیرے امن میں پلا
تجھ کو گھر سمجھا تھا جس نے اس مسافر کا سلام
اک ہی قسمت مقتدر سوختہ حرماں نصیب
کاٹ ڈالی جس نے ساری زندگانی بے حبیب
درد کو سمجھا نہ جس کے آجتک کوئی طبیب
گھر سے اجڑا بھی مگر تجھ تک نہ پہونچا جو غریب
اس طن آوارہ و بے یار و ناصر کا سلام
جس نے رکھا دوست تیرے ہر دغن کو نواغ
جس نے دی فردوس پر ترجیح تیرے باغ کو
دل میں رکھا جس نے تیرے چھوٹنے کے داغ کو
تیرے دشت و مرغ زار کوہسار و راغ کو
آہوئے رم خوردہ تقدیر آخر کا سلام
ابتک آنکھوں میں میری پھرتے ہیں تیرے آبشار
سرمہ شم بصیرت تھا مجھے تیرا غبار
بہت عالی مری تیرا نمایاں شاہکار
تیرے شیروں نوجوانوں غازیوں کو اے یار
تیرے اک بچھڑے ہوئے میں مسافر کا سلام
گونجتی ہے کان میں وہ جھینگروں کی تیری لے
مجمع احباب ندی کا کنارہ دور مے
ذہن میں محفوظ ہے ابتک تری اک ایک شے
دور ہے آنکھوں سے میری دل سے تو نزدیک ہے
اس دلِ بے تاب مہجورو مہاجر کا سلام
ہے میر امید بھی دوش تمنا پر وبال
دل رہا کرتا ہے میرا جوش حرماں سے نڈھال
علم میں تیرے نہیں ہے میرا شوق بے مثال
تیری نبض زندگی خون تہور سے نہال
عاشق رزم وغا اور جوش قاہر کا سلام
دل کی خواہش ہے کہ جا پہونچے فضاؤں میں تری
ساز اہل دل کے ہیں بجتے فضاؤں میں تری
گونجتے ہوں گے ترے نغمے فضاؤں میں تری
قہقے میرے اب جد کے فضاؤں میں تری
ان کو میرے رنج پنہاں درد ظاہر کا سلام
کھینچتی اس کو ہیں اپنی طرف سعی فضول
کاش آجائے سمجھ میں تیری اخترؔ کا دل
یاد رکھ اس کی تمنا کو کہیں جانا نہ بھول
میری مشتِ خاک بھی کر اپنے دامن میں قبول
خاک پشاور ترے ذرونکو کو شاعر کا سلام