غزل 58
Akhtar Asifi Peshawari
حُسنِ فانی پہ غرور اے بُتِ بے پیر نہ کر
اس طرح جذبہ عشاق کی تحقیر نہ کر
دل بسمل کو نہ کر لطف خلش سے محروم
اے ستمگر مرے پہلو سے جدا تیر نہ کر
مجھ کو معلوم ہے جنت کی حقیقت زاہد
اپنے بوسیدہ خیالات کی تفسیر نہ کر
دخترِ جلوه فطرت کا مبصر بن جا
حسن خوبانِ حجازی کی تو تفسیر نہ کر
پاک رکھ شیخ تعصب سے ہمیشہ دِل کو
پیروانِ رهِ بتخانہ کی تکفیر نہ کر
دِل ازل سے ہے ترے حلقہ گیسو میں اسیر
تو عبث زحمتِ پابندی زنجیر نہ کر
میں نہیں چاہتا راحت میں خلل اس بت کی
ضبط کر، نالۂ غم اے دِل دلگیر نہ کر
پائے مہلت کوئی کیوں گرم فغاں ہونے کی
مشقِ بیداد میں ستی فلک پیر نہ کر
نشے میں تو بہکتا ہے بہت بادہ پرست
رازِ سر بستہِ میخانہ کی تشہیر نہ کر