غزل 55
Akhtar Asifi Peshawari
ہوش بھی اپنا ہے بجا دِل بھی ہے اختیار میں
وصل سے بڑھ کے لطف ہے یار کے انتظار میں
خواب میں بھی مجھے کبھی شکل اگر دکھا دو تم
آنکھ نہ جھپکے عمر بھر لذت انتظار میں
آ بھی چکو کہیں کہ ہو مدت انتظار ختم
جان کو بھی ہے اضطراب دل بھی ہے انتشار میں
اس کے سوا بہشت میں آئے گا اور کیا مزہ
جاری ہے دورِ جام بھی یار بھی ہے کنار میں
لغو ہے فکر عاقبت حسن سے فائدہ اُلٹا
ذکر خزاں کا کیا ترے باغ سدا بہار میں
دعوتِ میش دیتی ہیں کیفیتیں بہار کی
لطف اُٹھائیں دم بھر آؤ بیٹھ کے مرغزار میں
دامن دِل بھی چاک ہے گل کا جگر بھی چاک ہے
چاک کی کچھ کمی نہیں پیراہن بہار میں
غنچہ بھی مست گل بھی مست بلبل خوش نوا بھی مست
میرا تو جی بہل گیا میکدہ بہار میں
کہنا نہ اس سے رازِ دِل اپنی زبان سے کبھی
اخترؔ اگر ہو دخل بھی تم کو مزاج یار میں
Recited:مشاعرہ مجمع الا احباب رنگون (October 12, 1933)