غزل 3
Akhtar Asifi Peshawari
غم فراق کہ صدمے اُٹھائے جاتے ہیں
نبھانی ہے محبت نبھائے جاتے ہیں
ادا سے ان کا شب وصل روٹھ کر کہنا
یہ آپ آج مری جان کھائے جاتے ہیں
گرے نہ برق غضب مجھ پر کیوں سرِ محفل
کہ ذکر غیر پر وہ مسکرائے جاتے ہیں
حریم ناز میں اور غم کدے میں فرق ہے یہ
یہاں چراغ اور وہاں دل جلائے جاتے ہیں
فنا چیدہ الفت میں وہ کہ مر کر بھی
ہماری خاک سے مجنوں بنائے جاتے ہیں
وہ میکدہ ہے محبت کا جس میں شام و سحر
غم فراق کے ساغر پلائے جاتے ہیں
برا ہو اس دِل مضطر کا آج اے اخترؔ
ہم اُس کی بزم میں پھر سے بلائے جاتے ہیں
Notes:مصرعہ طرح: یہاں چراغ وہاں دل جلائے جاتے ہیں