اعترافِ حق
Akhtar Asifi Peshawari
مرحبا اے فخر سرحد اے حرم کے پاسبان
ہے تری ذات گرامی نازش اسلامیاں
تو نے اُس تاریک خطہ میں اجالا کر دیا
ماند آتا تھا نظر شمس حکومت بھی جہاں
رام کرنا سرکشوں کو یہ تیرا اعزاز ہے
اب زر سے لکھنے کے قابل ہے تیری داستاں
یہ بھی اک اعجاز ہے حُسنِ تدبر کا ترے
رہ گئے دب کر وہیں پر فتنہ پرور تھے جہاں
کرتا ہے مشکور تیری سعی کو مرا خلوص
اس طرح ایسی مہم ہوتی ہے ورنہ سر کہاں
شہرہ ہر سو ہے اخلاق کا اخلاص کا
شاد ہوجاتے ہیں دل نام آتا ہے تیرا جہاں
آج تیرے دم سے ہے شاداب سرحد کی زمین
اس چمن کا پوچھنا کیا تو ہو جسکا باغباں
یوں تو عمال حکومت آئے اور گزرے بہت
فضل حق جسکو کہیں ایسے مدبر تھے کہاں
تو ہمیشہ سایہ افگن اہل سرحد پر ہے
اور اخترؔ ہو تیری تعریف رطب اللسان
Published:روزمانہ انقلاب پشاور خصوصی نمبر (July 8, 1984)