آئینه گفتار
Akhtar Asifi Peshawari
نہ جیبِ چاک نہ دامانِ تار تار کو دیکھ
جنوں نواز ہے کتنی میری بہار کو دیکھ
جنوں نے رکھی نہ باقی رفو کی گنجائش
یقیں نہ آئے تو دامانِ تار تار کو دیکھ
یہ حادثات کے طوفاں کا پیش خیمہ ہے
شفق کے عارضِ گل رنگ پر غبار دیکھ
مٹا وہ دل بھی جو طوفاں آرزو تھا کبھی
بجھی بجھی سی ہے شمع سرِ مزار کو دیکھ
جو کان رکھتا ہے سن مادرِ وطن کی فغاں
جو آنکھ ہے ستمِ پیرِ روزگار کو دیکھ
اگرچہ وعده ترا اج تک وفا نہ ہوا
میں انتظار میں ہوں مرے اعتبار کو دیکھ
رسائی میل سہی تا بہ منزلِ مقصود
ہوا کا رخ تو اُڑا کر ذرا غبار کو دیکھ
اندھیری رات کی تاریکیاں تو دیکھی ہیں
اُٹھ اور جلوہ تابندہ نہار کو دیکھ
تو اپنی ریشہ دوانی سے باز آ ناداں
لگے ٹھیس نہ ہرگز مرے وقار کو دیکھ
دلیل پستیِ ہمت ہے کوشش تخریب
بند کاخیِ تعمیرِ کامگار کو دیکھ
بہار باغِ وطن کی ہے تجھ سے داد طلب
نہ روند اپنے ترو تازہ سبزہ زار کو دیکھ
ضرورت آج ہے ضرب کلیم کی اخترؔ
زرا تو اپنے عصائے گراں وقار کو دیکھ