سہرا

گلزار جہاں سربر ہوا پیغام صبا کیا لائی ہے

ہر شاخ پہ مستی کا عالم ہر پھول بنا ہے پیمانہ

چلتے ہوئے فرش پہ سبزے کے لو بادِ صبا اٹھلاتی ہے

دل اہل نظر کا جلووں سے مسرور ہوا پر نور ہوا

یہ کون اسیر زلف ہوا یہ دھوم ہے کسکی شادی کی

بے موسم گل اس گلشن میں یہ کیف بہاراں کیا معنی

اے چشم تجسّس تجھ سے کہیں رہ سکتی ہے یہ بات عیاں

وہ تاج کہ جس کے حصے میں الفت کی سعادت آئی ہے

وہ تاج محبت پر جسکی ارباب محبت نازاں ہیں

وہ تاج محبت پر جسکی کرتے ہیں رشک ارباب وفا

وہ تاج بتانِ خودسر سے جسنے کہ تعلق توڑ دیا

اس دور سعادت کے صدقے ساتھ اپنے جو یہ دن لایا ہے

وہ کون ہے جو دل شاد نہیں اے تاج تمہاری شادی سے