چند قطرات اشک

اشک خونی کے ہر اک قطرے کو دریا کر دیا

اے فلکِ بے درد ظالم تو نے یہ کیا کر دیا

دل نہیں پہلو میں گویا آج اک غم خانہ ہے

آہ قومیت کا میر کارواں ہی کھو گیا

چین سے آغوش تربت میں وہ جا کر سو گیا

کیوں نا ہو اب رنج اپنے قلب غم آلود میں

منچلی فطرت نہیں اب دل کوئی یکسو نہیں

فرط غم سے کس کی آنکھوں سے رواں آنسو نہیں

تپ گیا ہے دل کا ہر زخم سوز داغ سے

لُو جب اُٹھی آتش غم کی کلیجہ جل گیا

الاماں اے سوز پہنائی کہ جو تھا جل گیا

اٹھ گیا وہ لطف جس کا تھا شفائے درد دل

اب سکون قلب کا باقی کوئی چارا نہیں

اپنی چشم شوق کے آگے تو بزم آرا نہیں

رو رہے ہیں پھوٹ کر ہم جوشش آلام سے

فضل کر اُس پر کہ تھا اسلام کا خدمت گزار

فضل کر اُس پر کہ تھا وہ تیرا بدمست خمار