غزل 30
Akhtar Asifi Peshawari
عنبریں زلفت کہاں چشمِ سیہ کار کہاں
چور نافے کا ہے یہ آہوئے تار کہاں
کیا کہا آپ نے وہ حسن شرر بار کہاں
جلوه طور تو ہے طالبِ دیدار کہاں
چشم دلدار کہاں قلب سیہ کار کہاں
لے چلا ہے دل بیمار کو بیمار کہاں
حسرتیں رہ گئیں بسمل کی تڑپ کر دل میں
رک گئی آ کے یہ چلتی ہوئی تلوار کہاں
مرے خرمن کو جلایا عوض رنج عدو
چمکی کس جا پہ گری برقِ شرر بار کہاں
جلوه حسن ازل تو نے نوازا ورنہ
جذب منصور کہاں یہ رسن و دار کہاں
زہر مستی ہے میری کعبہ ہے میخانہ مرا
جام و ساغر ہیں یہاں جبہ دستار کہاں
آخری وقت میں کیوں چارہ گری کی سوجھی
کشتہ غم میں ہیں اب زیست کے آثار کہاں
تربتیں شق ہوئیں ہر سمت شہید اُٹھ بیٹھے
پاؤں اس کے پڑے یارب دم رفتار کہاں